港車北上 常見問題手冊

港車北上只接受網上申請，車主遞交文件，由香港運輸署同內地部門聯合審批。

申請時記得提供正確電郵地址，兩地政府會經電郵通知申請進度、審批結果同續期安排。運輸署收妥資料後先做初步審核，內地部門隨後跟進，期間會以電郵或手機短訊聯絡。

獲批後可登入「港車北上管理服務系統」查閱申請狀況，以及上載「交強險」或「等效先認」保險憑證。搵人代辦 →

唔可以。已持有粵港跨境私家車常規配額，或者深圳灣一次性特別配額嘅車輛，唔符合港車北上申請資格。兩者只能二揀一。

可以，但必須以個人名義持有私家車嘅登記車主先可以申請。

唔可以。參與港車北上嘅車輛，必須係以個人名義登記嘅私家車。公司車唔符合資格。

唔可以。申請人必須持有有效香港身份證及回鄉證（包括非中國籍版本），仲要係申請私家車嘅登記車主。司機方面：必須係香港居民，持有有效香港身份證。除咗回鄉證外，持有外國護照加有效簽證（或居留許可、永久居留身份證）都符合資格。

每位指定司機都要填妥及簽署一份聲明書，確認同意被提名為司機、遵守港車北上所有規定，以及同意個人資料使用條款。申請人從指定網站下載聲明書，畀每位司機填好簽好之後，一次過上載返去網站就得。

獲批後車主會收到內地「電子臨時入境機動車牌證」（電子牌證），有效期同你買嘅交強險／等效先認保險一致，最長一年。好消息係：符合續期資格嘅車主可以唔使再抽籤，直接喺運輸署指定時段內網上提交續期申請。

要。即使資料一模一樣，申請人都必須重新上載所有文件，冇得豁免。

• 車位 ≥ 600個：免預約直接入場。
• 車位 < 600個：要網上預留車位，成功預留後3小時內入場。預留不可變更，但可隨時取消。
• 收費：2025年5月1日起，輕型汽車每小時澳門元10元。連續泊12至24小時只收12小時費用，即全日澳門元120元。最長可泊連續8日。
• 保險：記得登入「港珠澳大橋澳門口岸購買保險平台」買短期保險。出發前最好打去澳門交通事務局（853）8866 6363查詢。澳門轉乘代辦 →

唔可以。車輛只可以由運輸署批准信上列明嘅指定司機駕駛。違反條件嘅話，資格會被取消，運輸署亦會通報內地部門取消電子牌證。

「交管12123」係內地公安交通管理部門嘅官方平台，提供交通安全資訊查詢、業務導辦同道路通行服務等。App可於 gd.122.gov.cn 下載。

主要五步：① 向運輸署遞交申請 → ② 查驗車輛 → ③ 購買交強險或等效先認保險 → ④ 辦理邊檢備案手續（如適用）→ ⑤ 預約通關。

唔可以。必須喺指定13個曆日內遞交申請。過咗期就只能重新登記下一輪抽籤。

唔會。系統唔會自動幫你滾存。想再抽就要重新登記下一輪。

唔使。運輸署收妥申請後先做初步審批，內地部門隨後審核，再用電郵或短訊通知你去驗車。驗車合格後先按內地法例買交強險或等效先認保險。

向運輸署申請港車北上費用全免。內地方面，驗車同安裝車輛RFID卡機就要收費。另外交強險或等效先認保險費用由保險公司釐訂。

唔可以。一經遞交就不能更改任何車輛及司機細節。要改就要重新抽籤再申請。如要取消現有申請，須電郵至 tdenq@td.gov.hk，提供車輛登記號碼、中文姓名、身份證號碼、身份證明文件副本及確認車輛是否在香港。

唔可以。一旦獲批後資料有變，批准文件會即時作廢，兩地政府可拒絕你經大橋過關。

聯絡發出證明書嘅指定車輛測試中心申請，費用港幣180元。

可以。四個月有效期係指引申領車輛牌照用。申請港車北上只需要提交最近一次嘅驗車紙就得。

運輸署已同各指定車輛測試中心協調，對出廠滿6年而車牌未到期嘅私家車有特別安排：可直接致電指定車輛測試中心排期驗車（網上預約系統唔接受），驗車費港幣585元。驗車代辦 →

車輛備案：喺系統提交申請後網上自動完成。司機備案：已辦過「一站式駕駛人備案」或旅客快捷通道備案嘅，系統自動共享資料；未辦過嘅需要現場辦理。只要喺全國任何一個口岸辦理過快捷通道備案，資料就會同步。

視乎資料是否齊備及你完成驗車、買保險嘅速度。內地部門處理完後經電腦系統交運輸署（約一個工作天），運輸署約需三個工作天接收處理，然後電郵通知你結果。

可經指定網站查詢，狀態分五種：申請正在處理中 / 已轉交內地審批 / 已獲批准 / 已被取消 / 已被拒絕。

香港居民憑有效香港正式私家車駕駛執照，可免試申領內地小型汽車駕駛證。必須親身前往廣東省內車輛管理所辦證窗口辦理，到合資格醫療機構做身體檢查，不可由他人代簽。

經大橋往來廣東省嘅香港私家車，必須同時符合香港同內地嘅汽車第三者風險法定保險規定。申請人可透過香港保險公司購買「等效先認」保單，或另行投保內地「交強險」。

即係：① 內地「交強險」，以及 ② 「等效先認」保險。兩者都符合國家規定。

車主喺現有香港車保有效期內，附加內地交強險，仲可以額外投保商業險。一張保單由香港保險公司包辦，唔使分開買兩地保單。查保險報價 →

粵港兩地駕駛環境、法律法規、道路設計同行車方向都有分別。出發前準備好地圖同行車路線，考慮用GPS導航。務必閱讀《廣東省關於香港機動車經港珠澳大橋珠海公路口岸入出內地的管理辦法》，違反會被內地政府處罰。

港珠澳大橋主橋位於內地水域，收費站亦喺內地範圍，由大橋管理局按內地法律營運同收費。出發前建議瀏覽 hzmb.gov.hk 了解最新資訊。

• 人工收費車道：可用人民幣現金、銀行卡、支付寶、微信支付
• 不停車電子收費車道：可用香港快易通或內地電子標籤

可以，申請人可申辦「粵通卡」使用廣東省內高速公路嘅ETC車道，唔使排隊停車繳費。

車主或駕駛者必須立即向海關同公安機關報案，並按有關規定辦理相關手續。

出發前先瀏覽運輸署相關網頁。特區政府駐粵辦會同內地交通管理部門保持聯繫，為遇上交通事故嘅香港居民提供協助，包括免費法律諮詢服務。

兩地充電標準唔同（香港 Type 2/CCS2 vs 內地 GB/T 20234），需要配備「GB/T 轉 Type 2」交流電轉接器先可以用內地大部份交流電充電設施。運輸署已發出「電動車輛充電轉接器使用須知」可供下載。

出發前務必瀏覽運輸署嘅「自駕遊安全提示」網頁，了解全面嘅安全資訊。

唔會。運輸署抽查預約記錄時，會考慮惡劣天氣等不可抗力因素。因不可抗力未能依時出行，唔會被視為違反規定。